Орос, Америкийн гэрээг Сенатад өргөн барьжээ | News.MN

Орос, Америкийн гэрээг Сенатад өргөн барьжээ

Хуучирсан мэдээ: 2010.05.14-нд нийтлэгдсэн

Орос, Америкийн гэрээг Сенатад өргөн барьжээ

Дмитрий Медведев ба Барак Обама. Гэрэл зургийг ©AFP

АНУ-ын ерөнхийлөгч Барак Обама энэ сарын 13-нд Оросын ерөнхийлөгч Дмитрий Медведевтай утсаар ярихдаа Стратегийн довтолгооны зэвсэглэлийг хорогдуулах шинэ гэрээг Сенатад батлуулахаар өргөн барьснаа хэлсэн юм. Мөн энэ тухай ч Цагаан ордоны сайтад тавигджээ.
АНУ-ын ерөнхийлөгчийн хэвлэлийн төлөөлөгч 13-ны өдөр уг гэрээг Сенатад өргөн барьсан гэж мэдэгджээ. Сенат шинэ гэрээг хэлэлцэх хуваариа гаргасан ба эхнийх нь тавдугаар сарын 18-нд явагдана.
Оросын тал гэрээгээ ойрын үед Төрийн Думаар хэлэлцүүлнэ гэж Холбооны зөвлөлийн хуралдаан дээр Гадаад хэргийн сайд Сергей Лавров мэдэгдсэн ажээ.
Хоёр орны ерөнхийлөгч нар өнгөрсөн сарын 8-нд Прага хотноо СДЗХ-3 гэрээнд гарын үсэг зурсан билээ. Өмнөх гэрээний хугацаа нь өнгөрсөн жилийн арванхоёрдугаар сараар дуусан байлаа. Талууд тэр үе хүртэл шинэ гэрээнийхээ тохиролцоог хийж амжаагүй юм.
Тохиролцооны явцад шуурхай жижүүрийн стратегийн баллистик пуужинд тавих хяналт ба шинэ гэрээг Европт АНУ-ын байгуулж буй Пуужин довтолгооноос хамгаалах гэрээтэй уялдуулан авч үзэх зэрэг асуудлаар зөрөлдөөн гарч байсан гэнэ. Шинэ гэрээгээр талууд стратегийн цөмийн зөөгчийн тоог 700, цөмийн цэнэгийн тоог 1550 болгохоор тохиролцжээ. Гэрээ хоёр орны парламентаар батлагдвал түүний хүчин төгөлдөр байх хугацаа нь 10 жил байх гэнэ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-05-14 182.160.26.54

Yooy yun aimar ym bichdiin AB huur chin Gehdee bas baij boloh l ym Gehdee USA bol USA shuudee Tsaana ni bas Europe gj aguu ym bhad iim amarhan ym bolku bhaa gehdee bas boduushtai l ym yooy huur chin

Avatar

аб агентлаг 2010-05-14 182.160.38.151

та минээ цаана чин дэлхийн 3-р дайн эхлэхэд тун ойрхон болсон байна энэ 2010оны 10-р сарын сүүлээр иран улс ану д пуужин хөөргөснөөр эхлэл тавигдах болно ингэснээр ану-гын эдийн засагт маш том хямрал үүснэ энэ үед НҮБ задран бутарна2011оны 5-сард хятад хойд солонгос пакистан сири зэрэг орнууд хамтран дайны гэрээ байгуулна
хятад улс азийн орныг зэвсэгийн хүчээр эзлэнэ хойд солонгос өмнөд солонгос улсыг эрхшээлдээ оруулан хятад монголыг эзэлж монголын баялагын 40 оросуудад шилжүүлэн өгнө үүнд эрдэнэт тамсагийн орд монгол орон яана даа та минээ монголчууд мал аж ахуйгаа эрчимтэй хөгжүүлэхгүй бол болохгуй нээ

NewsMN Гар утасны хувилбар Татах
NEWS.mn

Мэдээллийн эх сурвалж