Америкийн нэрт од, дуучин, жүжигчин Хилари Дафф өнгөрсөн долоо хоногт өөрийн Twitter хуудсан дээр уран бүтээлийн ажилдаа орохоор төлөвлөж байгаа тухайгаа фенүүдтэйгээ хуваалцжээ.

Учир нь түүнийг “20th Century Fox” кино компани нэгэн шинэ кинондоо тоглуулахаар санал тавьсан байна. Тэрбээр энэхүү шинэ киноныхоо талаар тодорхой мэдээлээгүй ч ирэх долоо хоногт киноны зохиолч болоод продюсертайгаа уулзах гэнэ.

Хилари ээж болсноосоо хойш анх удаа шинэ уран бүтээлийн санал хүлээн авч байгаа нь энэ бөгөөд дээрх саналыг дуртайяа хүлээн авч, маш их сэтгэл хөдөлсөн тухайгаа шүтэн бишрэгчидтэйгээ хуваалцжээ.

Харин тэр зургаан сартай бяцхан хүү Лукагийн хамтаар өнөөдөр буюу баасан гаригт Лос-Анжеласын дэлгүүрээр хэсчээ. Хилари 2010 онд өөрийн нөхөр, Канадын мэргэжлийн хоккейн тамирчин Майк Комритой хуримаа хийсэн бөгөөд Лука тэдний анхны хүү юм.