Тээврийн хэрэгслийн улсын дугаарын сүүлчийн тоогоор ялган ажлын өдрийн 07.00–22.00 цагийн хооронд Нийслэлийн зарим хэсэгт зорчих эрхийг хязгаарлахаар болсон. Энэ журмыг ирэх даваа гаригаас мөрдөж эхлэх юм. Тодруулбал,

-Их тойруу зам болон түүний доторх замуудад,

-Энхтайвны өргөн чөлөөнд Геологийн төв лабораторийн уулзвараас Чулуун овооны уулзвар хүртэлх хэсэгт,

-Наадамчдын гудамж замд Төв аймаг салдаг уулзвараас ТЭЦ-3-ын зүүн урд уулзвар хүртэлх хэсэгт,

-Чингисийн өргөн чөлөөнд ТЭЦ-3-ын зүүн урд уулзвараас Энхтайваны гүүр хүртэлх хэсэгт, 

-Чингэлтэйн өргөн чөлөөнд 32-ын тойргоос 7 буудлын уулзвар хүртэлх хэсэгт,

-Дарь-Эхийн замд Бэлхийн уулзвараас Сансарын ШТС-ын уулзвар хүртэлх хэсэгт,

-Доржийн гудамж,

-Энэбишийн өргөн чөлөө,

-120 мянгатын тойрог – ХААИС-ийн уулзвар, – Нарантуулын уулзвар хүртэлх замын хэсгүүдэд замын хөдөлгөөнд оролцуулахыг хязгаарлана.

Хязгаарлалтыг дараах байдлаар тогтооно:

Гариг	Дугаарын төгсгөл
Даваа	1 ба 6
Мягмар	2 ба 7
Лхагва	3 ба 8
Пүрэв	4 ба 9
Баасан	5 ба 0