УДЭТ өвөл цагийн нээлтээ драмын бүтээлийн ноён оргил болсон дэлхийн суу билэгт их зохиолч Уилльям Шекспирийн алдарт "Гамлет" жүжгээр нээх гэж байгаа билээ. 31 жилийн дараа алдарт “Гамлет” жүжгийг драмын театрын тайзнаа дахин амилуулахаар найруулагч нарын дунд өнгөрсөн тавдугаар сард тендер зарлаж, театрын отгон найруулагч Н.Наранбаатар ялсан юм. Тэрбээр өчигдөр “Гамлет” жүжигт тоглох жүжигчдийн нэрсийг зарлалаа.

Алдарт “Гамлет” жүжгийн гол дүр буюу Гамлетад УДЭТ-ын жүжигчин С.Болд-Эрдэнэ тоглохоор сонгогдсон бол түүний ээж Гертугтагын дүрийг Гавьяат жүжигчин У.Уранчимэг амилуулан, Клаудид Төрийн соёрхолт Д.Сосорбарам тоглох юм байна. Харин Гамлетын хайрт бүсгүй Опелиагын дүрд УДЭТ-ын залуу эмэгтэй уран бүтэээлчдийн дунд  тендер зарлаад байгаа гэнэ.

УДЭТ-ын ерөнхий найруулагч Н.Наранбаатарыг “Гамлет” жүжгийн тендерт ялсаных нь дараа хийсэн бидний ярилцлагыг ЭНД дарж үзнэ үү.