“Чингис хаан” нисэх буудалд тэсрэх бодис байрлуулсан байж болзошгүй гэсэн мэдээллийн дагуу Онцгой байдлын газар, Нисэхийн аюулгүй үйл ажиллагаа, чанарын алба, Хил гаалийн ажилтнууд шалгалтыг хийж дуусчээ.

Энэ талаар албаны хүнээс тодруулахад, “Болзошгүй байдлаас сэргийлэх үүднээс нисэх буудалд шалгалт хийж дууслаа. Шалгалтаар ямар нэгэн тэсрэх бодисын төрлийн зүйл илрээгүй тул нислэгүүдийг эргээд хэвийн байдалд оруулах гэж байна” гэсэн тайлбарыг өглөө.