Сүхбаатарын гудамжинд Бага тойруугийн уулзвараас Их тойруугийн уулзвар хүртэлх 300 метр авто замын хөдөлгөөнийг өнгөрсөн шөнийн 23:00 цагт хаалаа. Дээрхи замын хөдөлгөөнийг энэ сарын 27-ны 07:00 цаг хүртэл хязгаарлаж, авто замын шинэчлэлтийн ажлыг хийж гүйцэтгэх юм.

Тус гудамжны нийт хоёр км авто замын шинэчлэлтийг Хөгжлийн банкны санхүүжилтээр "Наранбулаг Хан" компани гүйцэтгэж байгаа юм.