Ирэх дөрөвдүгээр сарын 1-нээс оюутнууд цахим картаар нийтийн тээвэрт зорчихоор болжээ. Цахим картыг ашигласнаар билет дамлан зарах, хуурамч билет гарах зэрэг олон зөрчлүүдийг арилгах аж. Нийтийн тээврийн газраас хөнгөлөлттэй зорчдог оюут­нуудын мэдээллийн санг бүр­дүүлж байгаа бөгөөд одоогоор мэдээллээ өгөөгүй 17 сургууль байгаа юм байна. Харин хөгжлийн бэрхшээлтэй иргэд тавдугаар сарын 1-нээс, ахмадууд зургадугаар сарын 1-нээс  цахим картаараар нийтийн тээвэрт үйлчлүүлэх бол цахим картыг ашиглах хугацаа хүртэл хөгжлийн бэрх­шээлтэй иргэд 2009 үнэм­лэхээр, ахмадууд 2008 үнэм­лэхээр зорчих  юм байна. Өмнөд Со­лонгос улсад үйлдвэрлэсэн, 200-300 ам.долларын өртөгтэй карт уншуу­лагч худалдаж авахаар нийтийн тээврийн үйлчилгээ эрхэлдэг компаниуд төлөвлөжээ. Уг карт ун­шуулагчид картаа хийснээр тухайн хүний зураг, мэдээлэл гарах бөгөөд мөн тэр өдөртөө хэдэн оюутан, ахмад настан, хөгжлийн бэрх­шээл­­тэй иргэн үйлчлүүлсэн тоо тодорхой болох юм байна.

Ц.Эрдэнэ