УИХ-ын зургаа дахь сонгуулийн үр дүнд бий болсон парламентын анхдугаар чуулганд 71 гишүүн тангаргаа өргөж, бүтцийн байгууллагуудаа баталж дууслаа.  УИХ өнөөдөр дэд хороодыг баталснаар энэ удаагийн парламент найман байнгын хороо, арван дэд хороодтойгоор үйл ажиллагаа явуулах болж байна. Гэхдээ МАН энэ удаагийн сонгуулийн дүнгээр УИХ-д 25 суудлыг авсан боловч, бүлэг байгуулах хүсэлтээ УИХ-ын дарга томилогдсоноос хойшхи  24 цагийн дотор багтаан мэдүүлээгүйгээс болж, бүлэггүй сул гишүүнтэйгээр сонгогчдоо төлөөлөх болж байна. Бүлэг байгуулах тухай төслөө УИХ-д өргөн мэдүүлбэл, албан ёсны бүлэгтэй болох боломж бий. Харин тус намын гишүүдийн хувьд бүлэг байгуулах төсөл өргөн мэдүүлсэн нөхцөлд хууль зөрчин томилогдсон УИХ-ын даргыг хүлээн зөвшөөрсөн хэрэг болно гэсэн байр сууриа хэвээр хадгалсаар байна.

Шинэ УИХ-ын бүтэц, бүрэлдэхүүнийг танилцуулъя.  

З.Энхболд-УИХ-ын дарга

С.Баярцогт-УИХ-ын дэд дарга

Л.Цог-УИХ-ын дэд дарга

Ц.Цолмон-УИХ-ын Аюулгүй байдал, гадаад бодлогын байнгын хорооны дарга

Г.Баярсайхан-УИХ-ын Байгаль орчин, хүнс хөдөө аж ахуйн байнгын хорооны дарга

Ц.Даваасүрэн-УИХ-ын Төсвийн байнгын хорооны дарга

Б.Гарамгайбаатар-УИХ-ын Эдийн засгийн байнгын хорооны дарга

А.Бакей-УИХ-ын Төрийн байгуулалтын байнгын хорооны дарга

Ш.Түвдэндорж-УИХ-ын Хууль зүйн байнгын хорооны дарга

З.Баянсэлэнгэ-УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга

Р.Бурмаа-Өргөдлийн байнгын хорооны дарга

Дэд хороод

Мянганы хөгжлийн зорилтууд болон ядуурлыг бууруулах дэд хорооны бүрэлдэхүүнд УИХ-ын гишүүн Л.Гантөмөр, С.Одонтуяа, Я.Санжмятав, Л.Эрдэнэчимэг, С.Эрдэнэ, С.Ганбаатар, Г.Уянга, С.Дэмбэрэл.

Ёс зүйн дэд хороонд УИХ-ын гишүүн М.Батчимэг, З.Баянсэлэнгэ, Ш.Түвдэндорж, Д.Эрдэнэбат, Ж.Батзандан, Д.Тэрбишдагва, Б.Наранхүү, Р.Бурмаа.  

Халдашгүй байдлын дэд хороонд УИХ-ын гишүүн Р.Гончигдорж, Д.Лүндээжанцан, С.Оюун, Ч.Улаан, С.Дэмбэрэл. 

Нутгийн удирдлагын дэд хороонд УИХ-ын гишүүн А.Бакей, Ж.Батзандан, М.Батчимэг, Р.Гончигдорж, Ш.Түвдэндорж, Н.Батцэрэг.

Сонгогчийн нэрсийн жагсаалт, бүртгэлийн дэд хороонд УИХ-ын гишүүн  Ж.Батзандан, Б.Наранхүү, М. Сономпил, Л.Цог, Р.Бурмаа.  

Хүний эрхийн дэд хороонд УИХ-ын гишүүн О.Баасанхүү, Ж.Батзандан, Х.Баттулга, Л.Болд, Х.Тэмүүжин, С.Эрдэнэ. 

Тусгай хяналтын дэд хороонд УИХ-ын гишүүн Р.Гончигдорж, С.Батчимэг, О.Баасанхүү.

Жижиг, дунд үйлдвэрлэлийн хөгжлийн дэд хороонд УИХ-ын гишүүн Д.Батцогт, Х.Болорчулуун, Д.Ганбат, С.Дэмбэрэл, Д.Тэрбишдагва, Г.Уянга, С.Одонтуяа, Д.Тэрбишдагва, Д.Ганхуяг.  

Агаарын бохирдлыг бууруулах асуудлын дэд хороонд УИХ-ын гишүүн Г.Баярсайхан, Л.Болд, Л.Эрдэнэчимэг, Б.Наранхүү, Д.Тэрбишдагва, Ц.Оюунгэрэл

Төсвийн зарлагын хяналтын дэд хороонд УИХ-ын гишүүн Ж.Эрдэнэбат, Д.Ганхуяг,С.Баярцогт, Л.Гантөмөр, С.Ганбаатар, Б.Наранхүү, М.Зоригт нар тус бүр багтлаа.