Алдартай одууд жирэмсэн болж, хүүхэд төрүүлэх нь томоохон дуулиан байдаг бол үүний дараа тэдний нөхөр, найз залуучууд нь хайртай бүсгүйдээ ямар бэлэг барих нь бас л сонирхол татдаг билээ. Алдарт дуучин Mariah Carey-г өнгөрсөн онд ихэр хүү, охин төрүүлэхэд түүний нөхөр, рэппэр Ник Кэннон 12 мянган фунт стерлингийн үнэтэй алмаз болон биндерьяа шигтгээтэй хүзүүний зүүлт бэлэглэж байсан билээ. Мөн Америкийн жүжигчин Николь Кидманыг өнгөрсөн онд хоёр дахь охиноо төрүүлэхэд нөхөр нь өөрөө загварыг нь зохиосон алмаз болон маргад эрдэнийн шигтгээтэй загалмай хэлбэртэй хүзүүний зүүлт бэлэглэж байсан юм. Харин алдарт дуучин Аделийн найз залуу Саймон Конеки түүнийг амаржсаны дараа 3000 фунт стерлингийн үнэтэй “Будда”-гийн  дүрс бүхий кулонтой алтан хүзүүний зүүлт бэлэглэхээр төлөвлөжээ. Тэрбээр уг зүүлтийг алдарт уран барималч Лэди Марина Каудрейгээс худалдан авсан байна. Дуучин Адель ирэх сард анхны хүүхдээ өлгийдэн авахаар хүлээж байгаа юм.