УИХ-ын Төрийн байгуулалтын байнгын хорооны хуралдаан болж, УИХ-ын Ёс зүйн дэд хороо, Халдашгүй байдлын дэд хороо, Нутгийн удирдлагын дэд хороо, Сонгогчийн нэрсийн жагсаалтын бүртгэлийн дэд хороодыг тус бүр байгуулах шийдвэрийг гаргалаа. Ингэхдээ мөн УИХ дахь намын бүлгүүдээс оруулж ирсэн саналын дагуу тус дэд хороодод нэр бүхий гишүүдийг харьяалуулахыг 100 хувийн саналаар дэмжиж эл асуудлыг чуулганы нэгдсэн хуралдаанд оруулах нь зүйтэй хэмээн үзлээ.

Чуулганы нэгдсэн хуралдаанаар дэд хороодын бүрэлдэхүүнд багтах гишүүдийг баталсны дараа дэд хороодын дарга нарыг томилох асуудлыг эргэн хорооны хуралдаанаар дахин хэлэлцэх юм.