Боловсрол, шинжлэх ухааны сайд Л.Гантөмөр өчигдөр их, дээд сургуулийн захирлуудтай уулзах үеэрээ сургалтын чанар, төлбөрийн асуудлаар ярилцсан байна. Энэ үеэр их дээд, сургуулийн захирлууд сургалтын төлбөрөө нэмэх асуудлыг сайдад тавьсан аж. Харин сайд энэ тухай Засгийн газрын хуралдаанаар хэлэлцсэний дараа хариу өгөхөөр болжээ.

Түүнчлэн Нийслэлийн Засаг даргын орлогчоос БШУ-ны сайдад захидал ирүүлж,  "Зам засварын ажил удааширсан учир нийт 17 цэг дээр зам хаана. Тиймээс замын ачаалал ихсэх тул хичээлийн шинэ жилийн нээлтийг аравдугаар сарын 01-нд эхлүүлэх"-ийг хүссэн байна.  Энэ тухай захирлуудад танилцуулахад бүгд “Боломжгүй” гэсэн хариулт өгч, харин зам засварын асуудалтай холбогдуулан хичээлийн шинэ жилийн нээлтийг  есдүгээр сарын 01-нд буюу бямба гаригт хийхээр болжээ.