Монгол Улсын Ерөнхийлөгчийн дэргэдэх Иргэний танхимд УИХ-ын гишүүн Ж.Батзандангийн санаачлагаар зохион байгуулсан “Боловсролын шинэтгэл ба Хичээлийн шинэ жилийн бэлтгэл ажил” сэдэвт нээлттэй хэлэлцүүлэг амжилттай болж өндөрлөлөө.

Хэлэлцүүлэгт УИХ-ын гишүүн Ж.Батзандан, Боловсрол, шинжлэх ухааны сайд Л.Гантөмөр, Боловсрол, шинжлэх ухааны яамны ЕБГ-ын дарга Д.Эрдэнэчимэг, барилга захиалагчийн ажлын албаны дарга Б.Цэрэн, Ардын багш, академич С.Галсан болон ерөнхий боловсролын сургууль, цэцэрлэгийн эрдэмтэн багш нар, сурган хүмүүжүүлэгчид, иргэд оролцлоо.