Ази тивийн аварга шалгаруулах 22 дахь удаагийн сагсан бөмбөгийн тэмцээн өнөөдөр гурав дахь өдрөө үргэлжилж байна. Сая Буянт-Ухаа спорт цогцолборт 12.00 цагт эхэлсэн “A” гурппийн  Хятад, Ливаны багууд тоглолт 96:74-өөр Хятадын багийн ялалтаар өндөрлөө. Ийнхүү Хятдын сагсчид гурав дахь хожлоо аван эхний гурван өдрийн байдлаар нэг ч хожигдолгүй тоглолтыг хошуучилж байна. Одоо 14.00 цагт тус цогцолборт Тайвань, Бахрэйны багуудын тоглолт болно. Сонирхуулахад Спортын төв ордоны өмнөх талбайгаас 30 минут тутамд Яармагийн Буянт-Ухаа спорт цогцолбор руу автобусаар үйлчилж байгаа юм.

Азийн аварга шалгаруулах сагсан бөмбөгийн тэмцээнд нийт 16 баг дөрвөн хэсэгт хуваагдан тойргоор тоглож байгаа ба харин хасагдах шатны тоглолтууд энэ сарын 24-нд буюу ирэх баасан гаригаас эхлэх юм.