Уул уурхайн сайдаар томилогдсон УИХ-ын гишүүн Д.Ганхуяг сая ажлаа хүлээн авлаа. Монгол Улсын Ерөнхий сайд Н.Алтанхуяг, Засгийн газрын Хэрэг эрхлэх газрын дарга, Монгол Улсын сайд Ч.Сайханбилэг нар Уул уурхайн шинэ сайд Д.Ганхуягийн тамга хүлээж авах ёслолд оролцсон байна.

Д.Ганхуяг сайд өмнөх сайд Д.Зоригтоос тамгаа гардан авсан даруйдаа сайдын зөвлөлөө хуралдууллаа. Сайдын зөвлөлийн хуралд тус яамны дэд сайд нар, төрийн нарийн бичгийн дарга, агентлагийн дарга нар, газар, албадын дарга нар оролцож байгаа юм байна.

Ийнхүү Уул уурхайн шинэ сайд Д.Ганхуяг өнөөдрөөс албандаа шууд орж ажлаа эхлүүллээ.