БНХАУ-ын төрийн эзэмшлийн China National Gold компани дэлхийн алтны томоохон аж ахуй нэгжийн  нэг болох Африк дахь  Barrick Gold буюу ABG корпораццийн нэгэн алтны уурхайг худалдан авах санал тавьсан гэнэ. Учир нь Хятад улс дэлхийн алтны зах зээлд хамгийн том байр суурийг эзэлдэг тус корпораццийн Африк дахь  алтны уурхайг худалдан авах нь эдийн засгийн хувьд ирээдүйтэй алхам болно гэж эрх баригчид нь үзэж буйтай холбоотой гэнэ.

Африк дахь асар их нөөц бүхий  Barrick Gold-ын алтны уурхайг дэлхийн томоохон улсууд эзэмшилдээ авахаар үнийн санал тавих нь элбэг аж. Гэсэн хэдий ч Barrick Gold-ын албаны хүмүүсийн мэдээлснээр  Хятад улсын дээрх саналын талаар талууд эцсийн шийдвэрт хүрээгүй байгаа аж.

Харин China National Gold-ын албаны хүмүүсийн мэдээлснээр ABG-ын  үйлдвэрлэл сүүлийн үед ихээхэн буурсан гэнэ. Өнгөрсөн жил тус компани 688.000 унци алт үйлдвэрлэж үйлдвэрлэлтээрээ өмнөх оноос буурсан байна. 2010 онд 701.000-716,000 унци алтыг үйлдвэрлэж байжээ. Сүүлийн үед мөн үйлдвэрлэл нь буураад байгаа юм байна. ABG-ын албаны хүмүүсийн мэдээлснээр энэ оны үйлдвэрлэлийг   2010 онтой харьцуулахад 20 хувиар буурчээ. Шинжээчдийн  үзэж байгаагаар ABG-ын дээрх байдал нь Хятадын Засгийн газраас алтны уурхайг худалдан авах санал гаргахад ихээр нөлөөлсөн аж.