“Universe best songs” наадмын анхны ялагч Ч.Цэлмүүн өнөөдөр хуримлана. Түүний сүйт залууг Н.Алтанхайрхан гэдэг бөгөөд АНУ-д боловсрол эзэмшсэн, чинээлэг айлын ганц хүү аж. Тэд хуримын товоо өнөөдөр 17.00 цагт хэмээн зарлан 200 зочин урьсан гэнэ. Залуу хосын хурим “Blue Sky” цамхагт болох нь ээ.

Дуучин Ч.Цэлмүүний хувьд “Зүрхэнд гэрэлтэх од” болон “Ээжийн дайсан” хэмээх хоёр ч кинонд гол дүр бүтээж амжсан дуучин бүсгүй “Гэрлийн улирал” нэртэй цомгоо гаргасан билээ. Эгэл жирийн амьдралыг илүүд үздэг хэмээн ярьж байсан тэрбээр ийнхүү гэр бүлтэй болж, урлагийн амьдралаа орхиж байгаа сурагтай.