МУИС-ийн 70 жилийн ой энэ оны аравдугаар сард тохиож буй. Энэ хүрээнд олон ажил зохион байгуулагдаж байгаа. Үүний нэг нь "Монгол судлал-шинэ чиг ханддага" олон улсын эрдэм шинжилгээний бага хурал байлаа. Тус хурал анх удаагаа болж байгаа бөгөөд цаашид жил бүр зохиогдох гэнэ. Уг хуралд арав гаруй орны 40 орчим эрдэмтэд мөн сонирхогчид оролцсон юм.

Тэд монголын түүх, монгол хэл, утга зохиол болон монголын соёлын чиглэлээр илтгэл тавьж хэлэлцүүлж байгаа. "Монгол судлал нь их сургуулийн судалгааны хамгийн гол чиглэл бөгөөд энэ чиглэлийг тэргүүлэх болгох зорилт тавин ажиллаж буй юм. Үүний дагуу Монгол соёлын төвийг хүрээлэн болгож өргөжүүлсэн" хэмээн МУИС-ийн захирал профессор, доктор С.Төмөр-Очир хэлж байлаа. Мөн тэрбээр цаашид энэ чиглэлд анхаарна гэдгээ ч хэлсэн юм.