УИХ-ын эрхэм гишүүн Ж.Батзандан өнөөдөр хэвлэлийн бага хурал хийлгэлээ. Тэрбээр УИХ-д “Монголоо өмөөрнө. Монголчуудаа өмөөрнө” гэсэн уриатай орсноо сануулж шударга ёс тогтоох ажлаа албан ёсоор эхлүүлж байгаагаа мэдэгдлээ. Тэрбээр иргэдтэй амьд холбоо үүсгэж сар бүр Монгол Улсын Ерөнхийлөгчийн Тамгын газрын дэргэдэх Иргэний танхимд тодорхой сэдвээр хэлэлцүүлэг хийж байх юм байна.

Хамгийн эхний хэлэлцүүлгээ ирэх даваа гаригийн 15.00 цагт боловсролын асуудлаар хийх ажээ. Түүнд их, дээд сургуулийн багш нар, дунд сургууль, цэцэрлэгийн захирал, эрхлэгч, иргэдийн төлөөлөгчдийг оролцуулахаар болжээ. Түүгээр боловсролын шинэтгэл, хичээлийн шинэ жилийн нээлт, Кембрижийн боловсрол зэрэг асуудлыг хэлэлцэх юм байна.

Ингэж сар бүр аль нэг салбарын шинэтгэлийн асуудлыг хэлэлцүүлснээр Монголын төрд шинэ соёл төлөвшүүлнэ гэж байлаа.

Мөн АН-аас гаргасан Төрийн ордны тодорхой хэсгийг иргэдэд нээж, иргэдийг хүлээн авах байрыг томсгож, ажиллах цагийг уртасгах саналыг дэмжиж Төрийн ордныг түмний ордон болгоно гэж байлаа.