УИХ-ын Хууль зүйн байнгын хорооны хуралдаан болж, УИХ-ын гишүүн Х.Тэмүүжинг Хууль зүйн сайдаар томилуулах тухай асуудлыг хэлэлцээд гишүүдийн 100 хувийн саналаар дэмжлээ. Ерөнхий сайд Н.Алтанхуяг түүний тухай танилцуулахдаа хууль зүйн салбарт шинэчлэл хийж чадах туршлагатай улстөрч болохыг онцолсон юм.

Одоо УИХ-ын Нийгмийн бодлого, боловсрол, соёл шинжлэх ухааны байнгын хорооны хуралдаан болж байна. Уг хуралдаанаар Хөдөлмөрийн сайдад нэр дэвшигч УИХ-ын гишүүн Я.Санжмятав, Боловсрол, шинжлэх ухааны сайдад нэр дэвшигч УИХ-ын гишүүн Л.Гантөмөр, Соёл спорт, аялал жуулчлалын сайдад нэр дэвшигч УИХ-ын гишүүн Ц.Оюунгэрэл, Хүн амын хөгжил, нийгмийн хамгааллын сайдад нэр дэвшигч УИХ-ын гишүүн С.Эрдэнэ нарын асуудлыг тус бүрт нь хэлэлцэж эхлээд байна. Сайдад нэр дэвшигчийг Ерөнхий сайд танилцууллаа. Хуралдаан үргэлжилж байна.