Талбайн теннисний оны дөрөвдэх буюу сүүлийн “Их дуулга” болох “Америкийн нээлттэй тэмцээн” энэ сарын 27-нд Нью-Йорк хотноо эхлэх билээ. Тус тэмцээнд Испаний тэргүүн теннисчин, дэлхийн чансааны гуравт эрэмбэлэгдэж буй Рафаль Надаль оролцохгүй болсноо мэдэгдсэн байна. Тэрбээр “Их дуулга”-ын 11 түрүүг хүртэхдээ 2010 онд “Америкийн нээлттэй тэмцээн”-нд түрүүлсэн юм.

Рафаэль Надаль энэ жилийн “Австралийн нээлттэй тэмцээн”-ий шигшээд Сербийн Новак Жоковичид ялагдсан ч, “Францын нээлттэй тэмцээн”-д түрүүлсэн түүний хувьд “Уимбльдон”-ы хоёрдугаар тойрогт дэлхийн чансааны 100-д эрэмбэлэгдсэн Чехийн Лукаш Лосолд (6-7; 6-4; 6-4; 2-6; 6-4) ялагдал хүлээсэн.

Бээжингийн олимпийн ганцаарчилсан төрөлд алтан медаль хүртсэн түүний хувьд Лондонгийн олимпийн наадмыг бэртлийн улмаас өнжсөн бөгөөд олимпийн их наадмын нээлтэнд Испаничуудын итгэл хүлээлгэсэн тугчийн үүргийг биелүүлсэн билээ. Надаль өнгөрсөн жилийн "Америкийн нээлттэй тэмцээн"-ий шигшээд шалгарахдаа Сербийн Новак Жоковичид ялагдаж байжээ.