АНУ-ын усан сэлэлтийн нэрт тамирчин, олимпын рекорд амжилтын эзэн Майкл Фэлпс өөрийн найз бүсгүй Мейган Россигийн хамтаар далайн эрэг дээр амарчээ.

Энэ үеэр олимпын наадмаас алтан медалийг түүсэн нэрт тамирчны найз бүсгүй алтан шаргал өнгийн усны хувцас өмссөн нь олны анхаарлыг их л татсан аж.

Энгэртээ алтан медалийг эгнүүлэн зүүсэн хайртад нь Мейганий сонголт үнэхээр таалагдсан бололтой тэд олны анхаарлаас холуур өнгөрч чадсангүй аж. Мейган Америкийн нэртэй топ модель, жүжигчин бүсгүй бөгөөд хосууд Калифорны Санта-Моникагийн далайн эрэг дээр энэ өдрүүдэд амарч байгаа юм байна.

Хосууд мөн найзуудын хамтаар далайн эрэг дээр ирсэн аж. Далайн эргийн  шаргал элсэн дээр Мейган өөрийн  алтлаг өнгийн усны хувцастай төгс биеийн хэлбэрээ гайхуулсан нь ийнхүү паппарацид өртжээ. Түүнчлэн хосууд далайн торгомсог элсэн дээр волейболл тоглосон гэнэ.

Нэрт тамирчин Фелпс олимпоос 22 медаль хүртсэнээс 18 нь алтан медаль юм. Хосууд зургаан сарын өмнөөс найзалж эхэлсэн бөгөөд тэдний романтик хайрын романс цаашдаа хэрхэх нь олны анхаарлыг их л татаж байгаа бололтой.