“Goldenball” хэмээн хочлогддог Английн алдарт хөл бөмбөгчин Дэвид Бекхэмийн мөнгөлөг өнгийн хөшөө Нью-Йорк, Лос-Анжелес, Сан-Франциско зэрэг хотуудад сүндэрлэжээ.

Уг хөшөө нь алдарт хөл бөмбөгчнөөс нэг дахин өндөр юм байна. Энэхүү мөнгөлөг хөшөөн дээр Дэвид Бекхэм зөвхөн “H&M” брэндийн дотуур өмдтэй, хажуу тийшээ харсан байдлаар дүрслэгджээ. Тэрбээр уг хөшөөг бариулахад зориулан “H&M” брэндийн дотуур өмд өмсөж, нэлээд хэдэн хар цагаан зураг авахуулсан байна. Түүний уг хар цагаан зургуудыг алдарт загварын зурагчин Аласдэр МакЛеллан Лос-Анжелост авчээ. Харин өнөө өглөө Дэвид Бекхэм энэхүү зургуудаа “Facebook” хуудсандаа тавьсан байна.

Б.АНХТУЯА