Өнөөдөр “Мишээл экспо” төвд 21.00 цагт залуус жилдээ ганцхан цав цагаанаар гоёдог “Silence white” шоу болно.

Долоо дахь жилдээ болох гэж буй  “Silence white-2012” шоу энэ жил  “Эх дэлхийгээ хайрлая” уриан дор болох ба тасалбар нь 20 мянган төгрөг юм байна.

“Mongol Mix Project”-ын “Silence White” шоунд электро, транс хөгжмийг Монголын шилдэг DJ нар мэдрүүлэн үүр цайтал нэг үдшийг бут авах нь ээ. Харин залуус хэдийнэ тэсэн ядан хүлээдэг уг шоунд бэлдэн, цав цагаан гоёлоо зэхчихсэн гэнэ шүү.

Жилдээ ганц удаа цагаанаар ижилсдэг уг шоунд урлаг соёлын одод, их хотын залуус гээд 3000 гаруй оролцогч нэгдэн нэгэн үдшийг электро, транс хөгжмийн хэмнэл дор доргио өнгөрүүлдэг билээ.