УИХ-ын чуулганы үдээс хойшхи хуралдаан эхэллээ. УИХ-ын Төрийн байгуулалтын байнгын хорооны хуралдаанаар Засгийн газрын бүтцийн тухай, Засгийн газрын бүрэлдэхүүний тухай болон бусад холбогдох хуулийн төслүүдийн анхны хэлэлцүүлгийг хийж, дуусган чуулганы нэгдсэн хуралдаанд оруулж ирээд буй нь энэ юм.

Ингэхдээ тус байнгын хороогоор анхны хэлэлцүүлгийг хийх шатанд гишүүдээс зарчмын зөрүүтэй санал гараагүй тул дээрх төслүүдийг анхны хэлэлцүүлгээр нь батлах санал гаргасан тухай танилцуулга хийсэн УИХ-ын гишүүн Ч.Сайханбилэг онцоллоо.