Нийслэлийн МАН-ын хорооны хурал болж байгаад саяхан завсарлалаа. Харин энэ хооронд МАН-ын Удирдах зөвлөл хуралдах болж буй юм. Түүгээр Нийслэлийн МАН-ын хорооны даргад хэн, хэнийг нэр дэвшүүлэх тухай хэлэлцэхээр болжээ. Ямар ч байсан өчигдөр Байгаль орчин, аялал жуулчлалын сайд Д.Цогтбаатар, Эрдэс баялаг, эрчим хүчний сайд Д.Зоригт, УИХ-ын гишүүн асан Ц.Батбаяр нарын нэр бүхий таван хүний нэрийг Удирдах зөвлөлөөс санал болгоод байсан.

Харин Нийслэлийн МАН-ын хорооны хувьд сая болж өнгөрсөн хуралдаанаараа зарим нэр дэвшигчийг хасах санал гаргасан бололтой, тиймээс одоо гурван хүний нэрийг тодруулж, эргэж Нийслэлийн МАН-ын хорооны хуралдаанаар хэлэлцүүлэхээр болжээ. Түүнчлэн хуралдаан эргэж орон удирдлагыг сонгохоор нэр дэвшүүлэх үед заалнаас Нийслэлийн МАН-ын хорооны даргад нэрээ дэвшүүлэх хүн гарч ирж болох талтайг эх сурвалж онцоллоо.

Энэ удаагийн МАН-ын хорооны хуралдаанд 187 хүн оролцох ёстойгоос 127 нь оролцож буй юм байна.