АНУ-ын Ерөнхийлөгч Б.Обама элдэвтэй эр аж. Хэдхэн хоногийн өмнө 51 насны төрсөн өдрөө гольф тоглож тэмдэглэсэн тэрбээр Нэгдсэн улсын анхны өнгөт арьст Ерөнхийлөгч төдийгүй Цагаан ордонд шар айраг исгэдгээрээ бас л анхдагч юм. Шар айрганд хорхойтой тэрбээр улс орноороо аялахдаа өөрийн гараар исгэсэн ундаагаа авч явах дуртай гэнэ. Түүний гарын шар айраг  хэд хэдэн төрөлтэй ч бүгдээрээ зөгийн балны хольцтой. Балыг Цагаан ордны цэцэрлэгт хүрээлэнд тэргүүн хатагтай Мишель Обамагийн байгуулсан ногооны талбай дахь зөгийн үүрнээс хураадаг ажээ. Ногооны талбайд заримдаа Ерөнхийлөгчийн хадам ирж ажилладаг гэжээ. Зөгийн балтай тансаг шар айргаараа Б.Обама зочдоо дайлах дуртай гэнэ.

Өмнө нь АНУ-ын Ерөнхийлөгч агсан Ж.Вашингтон, Т.Жефферсон гээд шар айрагны хорхойтнууд хувийн жижиг пивоны үйлдвэртэй байсан ч эдлэн газартаа л ажиллуулахаас биш Б.Обама шиг Цагаан ордонд исгэдэггүй байжээ.