Улаанбаатараас олимпийн медальтан зургаа тодорчээ

ОЛИМП: ТООНЫ ХЭЛЭЭР

Монголчууд Лондонгийн олимпийн наадмаас таван медаль хүртсэнээр 1964 онд анх олимпод оролцож эхэлснээс хойшхи түүхэндээ 24 медалийг эх орноороо овоглоод байна. Монголын олимпчидын тухай тооны хэлээр өгүүлэхэд, эдгээр 24 медалийн хамгийн анхныхыг Гавьяат тамирчин Ч.Дамдиншарав хүртсэн бол хамгийн отгон медалийн эзнээр 20-хон настай цэл залуу боксчин Н.Төгсцогт тодорчээ.

24 медалийн хоёр нь алт, ес нь мөнгө, 13 нь хүрэл медаль байна. Монголын чөлөөт бөхийн шигшээ багийн тамирчид олимпийн жилүүдэд хамгийн олон буюу есөн медалийг эзэмшдэг бол жүдочид ес, боксчид зургаа, мэргэн буучид хоёр медалиар тус тус удаалж байна.

Өөр нэгэн сонирхол татсан зүйл нь олимпийн медаль хүртсэн тамирчдын төрсөн нутаг хаанах вэ гэх асуулт байж болох юм. Иймд дараах хүснэгтэд олимпийн медальтнуудын хүй цөглөсөн газрыг бичлээ. Эндээс харахад, Улаанбаатар хотод төрсөн тамирчин хамгийн олон буюу зургаа байгаа бол Увс аймгаас олимпийн медальтан тав тодорчээ.

Улаанбаатар хот-6
Увс аймаг -5
Өвөрхангай аймаг-3
Булган аймаг-2
Төв аймаг-2
Сэлэнгэ аймаг-1
Ховд аймаг-1
Хэнтий аймаг-1
Завхан аймаг-1
Орхон аймаг-1

МОНГОЛЫН ОЛИМПИЙН МЕДАЛЬТНУУДЫН СУДАЛГАА:

№

Овог, нэр

Төрсөн газар

Спортын
төрөл

Медаль

Олимп

Чимэдбазарын
Дамдиншарав

Өвөрхангай,
Гучин-Ус

Чөлөөт

Хүрэл