УИХ дахь МАН-ын бүлэг Төрийн ордны “Б” танхимд хуралдаж байна. Тус хуралдаанд Монгол Улсын Ерөнхий сайд Н.Алтанхуяг оролцож, Засгийн газрын бүтэц, бүрэлдэхүүний тухай хуулийн төслөө танилцууллаа. Мөн хэрэгжүүлэгч хийгээд тохируулагч 48 агентлаг байгааг цөөлөхөөр энэхүү төсөлд тусгаснаа онцлов.

Дашрамд сануулахад, УИХ дахь МАН-ын бүлгийн хувьд өмнө нь шинээр байгуулагдах Засгийн газар нь цомхон чадварлаг багаар ажиллах ёстой. Яамдын тоог нэмэгдүүлэх нь тэр хэрээр дарга даамлуудын орон тоог өсгөнө хэмээн байр сууриа илэрхийлж байсан. Мөн Ерөнхий сайд Н.Алтанхуягаас мэдээлэл сонссоныхоо дараа Засгийн газрын бүтэц, бүрэлдэхүүний тухай хуулийн төсөл дээр бүлгийн гишүүд саналаа нэгтгэнэ хэмээн мэдэгдсэн билээ.