Өнгө алагласан эрээн хувцастай, том улаан хамар, томдсон хэлхгэр өмд, гартаа бөмбөлөгтэй, алиа марзан үзүүлбэрүүдээрээ хүүхдүүдийг баярлуулдаг циркийн цөөхөн алиалагч нарын нэг бол Л.Нурбулан.

Тэрбээр монголын циркийн алтан үеийн алдарт алиалагч Латив агсны хүү бөгөөд аавынхаа мэргэжлийг өвлөн урлагт зүтгэж яваа залуу уран бүтээлч юм. Тиймдээ ч хүүхдийн гэсэн уран бүтээлийн төлөө сэтгэл зүрхээ зориулан тун удахгүй шинэ цомгоо бяцхан багачууддаа зориулан цомог гаргахаар болжээ. Энэ бол түүний уран уншлагийн анхны цомог юм. Мөн өнгөрсөн жил байгуулсан “Хандгай” театр энэ намраас бяцхан үзэгчдэд зориулан тоглолтоо тавьж эхлэх нь ээ.