Дарс импортолдог аж ахуй нэгжүүдийг нэг дор цуглуулах уулзалт өнөөдөр 10.00-12.00 цагт Монголын үндэсний худалдаа, аж үйлдвэрийн танхимын 507 тоотод болох гэж байна. Уулзалтыг МҮХАҮТ, Гаалийн ерөнхий газар, Мэргэжлийн хяналтын ерөнхий газар хамтран зохион байгуулах бөгөөд 40 гаруй аж ахуй нэгж оролцохоор бүртгүүлсэн байгаа ажээ. Энэ үеэр дарс импортлоход анхаарах зүйлс, чанартай дарсны стандартыг тодорхойлж, сонирхсон асуултанд хариулт авах боломжтой гэнэ.