МАХН-ын дарга Н.Энхбаяр наймдугаар сарын 2-нд анхан шатны шүүхээс дөрвөн жилийн хорих ял сонсч, өдгөө ШШГЕГ-ын харьяа Цагдан хорих 461 дүгээр ангид хоригдож буй. Харин өнөөдөр Сүхбаатар дүүргийн шүүхийн Тамгын газрын дарга Э.Батмөнх яллагдагч Н.Энхбаярт ялын тогтоолыг нь гардууллаа.

Н.Энхбаярын өмгөөлөгч С.Нарангэрэл ялын тогтоолыг гардан авмагц давж заалдах шатны шүүхэд хандана гэдгээ мэдэгдээд байгаа юм. Тиймээс ойрын хугацаанд Н.Энхбаярын гомдлыг Нийслэлийн шүүхэд хэлэлцэх бололтой.