УИХ-ын гишүүн З.Баянсэлэнгэ нарын дөрвөн хүнд холбогдох хэргийг шүүх хурал 11.30 цагийн орчимд Чингэлтэй дүүргийн шүүхэд эхэллээ. Уг нь 11.00 цагт эхлэх товтой байсан ч шүүх бүрэлдэхүүн хагас цаг хоцорч, шүүх танхимд орж ирснээр хуралдааныг эхлүүлэв. Хуралд шүүгчээр И.Ганбат, улсын яллагчаар Ц.Хашбаатар нар оролцож байна. Мөн шүүгдэгчид болох УИХ-ын гишүүүн З.Баянсэлэнгэ болон М.Амартүвшин, Я.Мөнхсайхан, Д.Шонхоо нар хүрэлцэн иржээ. Тэднийг өнгөрсөн оны арваннэгдүгээр сард Ерөнхийлөгч асан Н.Энхбаярын туслах Б.Тулгыг УМБГ-аас баривчлах үеэр Нийслэлийн прокурорын газрын хяналтын прокурор О.Мөнхбаатарын биед халдсан шалтгаанаар Эрүүгийн хуулийн 230 дугаар зүйлийн 230.1, 245.1-д зааснаар буруутган, шүүж буй юм.