Стэнфордын их сургуулийн эрдэмтэн Стивен Краснер ашигт малтмалын их баялагтай Монгол Улс баялгийн хараал хүрэлгүй хэрхэн ажиллах талаар лекц уншсан юм. Баялагтай орнууд Голланд өвчин буюу баялгийн хараал хүрэхгүйн тулд янз бүрийн арга хэрэглэдэг. Баялаг ашигласнаар гадаад валют хэтэрхий ихээр орж ирж дотоодын зах зээлийг үнэгүйдүүлдэг. Монголчууд Хүний хөгжлийн сангаар иргэддээ бэлэн мөнгө тараасан ч үүнийг иргэд зөвхөн хувьдаа хэрэглээд дуусгасан. Дэд бүтэц, боловсрол, эрүүл мэндийг хөгжүүлэх нь төрийн нуруун дээр үлдсэн.

Үүнээс гарахын тулд Монголын хөгжлийн сан гэдгийг байгуулж болно гэдгийг зөвлөлөө. Сан нь гурав дахь аль нэг оронд байрлах ёстой. Сангийн зөвлөлийн гишүүдийн гурвыг төрөөс , гурвыг Азийн хөгжлийн банкнаас ч юм уу сонгож, харин долоо дахь гишүүнийг гурав дахь орноос сонгон ажиллуулах нь зүйтэй гэлээ. Тэдний дөрвөөс доошгүйн гаргасан саналаар шийдвэр гаргах ёстой юм байна. Сангийн хөрөнгийн 70 хувийг Монголын хөгжлийн сан руу оруулж нийгмийн хөгжил, дэд бүтэц, боловсрол, эрүүл мэндэд зарцуулах нь  зүйтэй гэлээ.

Үүний дараа эрдэмтэн эрдэмтэн Ларри Даймонд ардчилал хөгжсөнөөр илүү юуг хожиж болох талаар лекц уншиж байна.