Монгол Улсын 27 дахь Ерөнхий сайдаар өнгөрсөн долоо хоногийн пүрэв гаригт томилогдсон Н.Алтанхуяг зөвлөхүүдээ сонгож эхэлсэн байна. Тухайлбал, MNC телевизийг үүсгэн байгуулагч, тус телевизийн захирал Ц.Мөнхтөр Ерөнхий сайдын Хэвлэл мэдээллийн олон нийттэй харилцах зөвлөх болсон аж.

Түүнчлэн БОАЖ-ын сайд асан Д.Гансүхийг ахлах зөвлөхөөр, Гадаад харилцааны зөвлөхөөр н.Дөлгөөнийг, эдийн засгийн бодлогын зөвлөхөөр Үндэсний Хөрөнгө Оруулалтын Банкны захирал асан О.Батмөнхийг тус тус сонгосон мэдээлэл байгаа бол зөвлөхүүдийн нэрс дунд УИХ-ын гишүүн асан С.Ламбаа, Ц.Сэдванчиг нар ч дуулдаж байна.

Ерөнхийдөө энэ долоо хоногт багтаад Ерөнхий сайдын салбар хариуцсан бүх зөвлөхүүд нь томилогдох бололтой.