“Khaan Quest 2012” энхийг дэмжих ажиллагааны олон улсын хамтарсан сургуулийн нээлт Тавантолгой дахь Зэвсэгт хүчний сургалтын нэгдсэн төвд өнөөдөр 09,40 цагт боллоо. Нээлтийн арга хэмжээнд Монгол Улсын Ерөнхийлөгч, Зэвсэгт хүчний Ерөнхий командлагч  Ц.Элбэгдорж, Батлан хамгаалахын сайд Ж.Энхбаяр болон Зэвсэгт хүчний жанжин штабын дарга, дэслэгч генерал Ц.Бямбажав,  Номхон далай дахь АНУ-ын цэргийн командлалын хуурай замын цэргийн командлагч, Олон Улсын сургуульд оролцогч улсуудын цэргийн багууд, гадаад, дотоодын хүндэт зочид, албаны бусад хүмүүс оролцов.