"Лондон-2012" зуны XXX олимпийн наадмын эрэгтэйчүүдийн чөлөөт бөхийн тэмцээний хоёр дахь өдрийн барилдаанууд эхэллээ. Хуваарь ёсоор өнөөдөр эрэгтэйчүүдийн 60, 84 ба 120 кг-ын жингийн барилдаан болж, аваргууд тодрох юм.

Харин Монголын тамирчдаас ОУХМ Ж.Чулуунбат 120 кг-д, О.Үйтүмэн 84 кг-ын жинд зодоглоно. Манай хоёр бөхийн тухайд хоёул эхний тойрогт гоц мөргөжээ. Улмаар Ж.Чулуунбат шөвгийн 16-д Сенегалын Малал Ндиайетай барилдах бол О.Үйтүмэн Гүржийн Дато Марсагишвилитэй барилдахаар сугалаа татжээ.

Лондон дахь ExCel ордонд одоо дээрх гурван жингийн тэгшитгэлийн тойргийн барилдаанууд болж байна.