Өнөөдөр УИХ-ын байнгын хороод, чуулганы хуралдаан хийсэнгүй. Харин гишүүд Засгийн газрын бүтэц, бүрэлдэхүүний тухай хуулийн төсөл дээр ажиллаж байгаа гэсэн мэдээлэл байна.

Уг хуулийн төслийг ирэх даваа гаригаас УИХ дахь нам, эвслийн бүлэг, байнгын хороодоор хэлэлцэж эхлэх аж. Тэндээс шинэ Засгийн газар хэдэн яам, хэдэн сайдтай байх нь тодорно. Нэгэнт Ерөнхий сайд Н.Алтанхуяг тамгаа гардаж ажилдаа орсон тул Засгийн газар байгуулах ажил шуударч байна.