Алдарт дуучин Уитни Хьюстоны охин Бобби Кристина болон өргөмөл хүү Ник Гордон нар ээжийгээ хүндэтгэн, хайрладгаа илэрхийлж, 49 насны төрсөн өдөрт нь зориулан нэрнийх нь эхний хоёр үсэг "WH"-г шивүүлжээ. Тэд бугуйн дээр "WH" үсэгнүүдийг угалзруулан бичиж, дөрвөн буланд нь нисч буй тагтаа, хоёр талд нь жижиг загалмай шивүүлжээ. Мөн өчигдөр Хьюстоны охин Бобби Кристина өөрийн “Twitter”-тээ “Одоо шөнийн 00:01 цаг болж байна. Өнөөдөр таны төрсөн өдөр. Би таныхаа төрсөн өдрийг төгс тэмдэглэнэ” гэж бичжээ. Хэрэв алдарт дуучин Уитни Хьюстон амьд байсан бол өчигдөр тэр 49 нас хүрэх байсан.

Хьюстон өнгөрсөн хоёрдугаар сарын 11-нд Лос Анжелос хот дахь Беверли Хилтон зочид буудалд нас барсаэ билээ. Сонирхуулахад, түүний охин Бобби Кристина ээждээ зориулан “The Houston Family Chronicles” гэдэг реалити шоу хийхээр төлөвлөж байгаа гэнэ. Өргөмөл ахтайгаа үерхдэг Бобби Кристина энэ талаар “Бид The Houston Family Chronicles”  гэдэг реалити шоу хийхээр төлөвлөж байгаа. Гордон бид 2 энэ шивээсийг ээждээ бас реалити шоунд зориулан хийлгэсэн” гэжээ. Алдарт дуучин Уитни Хьюстонамьд ахуйдаа сүүлийн удаа “Salim Akil”  гэдэг кинонд дүр бүтээсэн бөгөөд уг кино ирэх сарын 17-нд үзэгчдэд хүрэх юм байна.