Оны шилдэг тоглоомоор шалгарсан “Angry Birds” тоглоомын “Space” хувилбарыг өмнөхүүдээс илүү сонирхолтой, адал явдалтай болсон хэмээн тоглоомчид ам сайтай байдаг. Олон гаригаар аялж, гахайнуудыг сүйтгэдэг ууртай шувуунуудын аяллыг илүү сонирхолтой болгохоор “Rovio” компани “Angry Birds Space”-д шинэ нэмэлт бүтээжээ. Тэд НАСА-гийн хөлөг Ангараг гаригт газардсантай холбогдуулан ийнхүү нэмэлт гаргасан байна. Appstore-д iPhone хувилбар нь 0.99 ам.доллар, харин iPad-нд 2.99 ам.долларын үнэтэй худалдаалагдаж буй тэрхүү нэмэлтийг суулгаснаар тоглоомд тань шинэ үеүд нэмэгдэж, та ууртай шувуудын хамт Ангараг гаригт зочлох боломжтой юм.