Монгол Улсын Засгийн газраас Дэлхийн
эрүүл мэндийн байгууллага болон НҮБ-ын эрүүл мэндийн төрөлжсөн
байгууллагатай хамтран хөдөө орон нутгийн хүн амын эрүүл мэнд, амьдралын
баталгааг хангахад нийгмийн цогц үйлчилгээ үзүүлэх төслийг хэрэгжүүлэх
зорилгоор “Сумын төвшин дэх эрүүл мэндийн анхан шатны тусламж,
үйлчилгээг сайжруулах, халдварт бус өвчний тусламжийг Эрүүл мэндийн
анхан шатны тусламжтай интеграцчилах нь” сэдэвт хурал зохион байгуулж
байна. Тус хурлын нээлт өчигдөр Увс аймгийн Улаангом хотод болжээ.
Хуралд Эрүүл мэндийн сайд Н.Хүрэлбаатар, аймгийн Эрүүл мэндийн газрын
дарга нар болон Дэлхийн эрүүл мэндийн байгууллага, Мянганы сорилтын
сангийн эрүүл мэндийн төслийн ажилтнууд оролцож байна.