Говь-Алтай аймгийн Тайширын усан цахилгаан станцыг үзэж сонирхох гэсэн иргэд нүхэн гарцаар нь авто машинтайгаа нэвтэрдэг байсныг болиулжээ. Энэ талаар “Өнөөдөр” сонин тус станцын төслийн инженер Г.Дандараас тодруулсан байна. Тэрбээр “Долдугаgр сарын 1-нээс далангийн аюулгүй ажиллагааны журмын дагуу автомашин дотогш оруулахыг хориглосон. Нүхэн гарцаар орж ирсэн авто машинууд тус далан дээр зогсдог юм. Энэ нь даланд цууралт үүсгэж болзошгүй тул ийм шийдвэр гаргасан” хэмээжээ.