УИХ-ын чуулганы нэгдсэн хуралдааныг өнөөдөр 15.00 цагт зарласан бөгөөд чуулганы танхимд гишүүд цугларч эхлээд байна. Тус хуралдаанаар УИХ-ын дэд дарга нарыг томилох асуудлыг хэлэлцэхийн зэрэгцээ байнгын хороодын дарга нарыг батална. Одоогоор УИХ-ын Хууль зүйн байнгын хорооны даргад УИХ-ын гишүүн Ш.Түвдэндоржийг, Нийгмийн бодлого, боловсрол соёл шинжлэх ухааны байнгын хорооны даргад УИХ-ын гишүүн З.Баянсэлэнгэ нарыг тус бүр нэр дэвшүүлэн батлуулахаар байнгын хорооноос шийдвэрлээд байгаа билээ.