Энэ жил ойн хөнөөлт хортон шавьжтай тэмцэх ажлыг 150 мянган га талбайд явуулахаар төлөвлөсөн байна. Хөнөөлт шавьжийн  тархалт болоод голомт  энэ жилийн хувьд нэлээд хумигдаж, өмнөх жилээс хоёр дахин бага байгаа гэнэ. Харин хугацааны хувьд 5-6-р сарын хооронд ихэнх ажлууд хийгдэж дуусаж байгаа ч  Баянхонгорын Эрдэнэцогт суманд энэ сарын 15-наас шавьж устгах ажлыг эхлүүлэхээр төлөвлөжээ.

Баянхонгор аймгийн Эрдэнэбулган, Тариалан, Архангай аймгийн Хайрхан, Эрдэнэмандал сумдад “Өрөөсгөл хүр хорхой”-н голомттой гэж  батлагдсан байдаг байна. Ийм хорхойг химийн болон бактерийн бодис ашиглахгүй үрийг түүх технологийг ашиглаж  устгадаг  бөгөөд хортон шавьжийн усгалт хийх ажлыг тухайн хийж буй газарт  хорио цээр тогтоож, явуулдаг ажээ.