УИХ-ын чуулганы үдээс хойшхи хуралдаан 53.5 хувийн ирцтэйгээр эхэллээ. Одоо тус хуралдаанаар байнгын хороодын дарга нарыг томилох асуудлыг хэлэлцэж эхлээд байна. Ингэхдээ УИХ-ын Аюулгүй байдал, гадаад бодлогын байнгын хорооны даргыг томилуулах тухай санал дүгнэлтийг УИХ-ын гишүүн Л.Цог танилцуулж байна. Тус байнгын хорооны даргад УИХ-ын гишүүн Ц.Цолмонг нэр дэвшүүлээд байгаа билээ. Байнгын хорооны даргад нэр дэвшигч Ц.Цолмон нь цахилгааны инженер мэргэжилтэй, эдийн засгийн ухааны доктор, орос, англи хэлтэй юм байна.