УИХ дахь МАН-ын бүлэг хуралдаж байна. Түүгээр өнөөдрийн улс төрийн нөхцөл байдал, УИХ-ын чуулганы хуралдаанд орох эсэх, АН-тай хийсэн яриа хэлэлцээрийн талаар хэлэлцэж байгаа сурагтай байна. Мөн цаашид ямар алхам хийх талаар ч ярилцах төлөвтэй байгаа ажээ.

Гэхдээ УИХ-ын чуулганы нэгдсэн хуралдаанаар дөнгөж сая УИХ-ын долоон байнгын хороог байгуулж, харьяалагдах гишүүдийн тоог 14-16 байхаар зааж өгсөн юм. Нийт долоон байнгын хороог байгуулснаас тус намын бүлгийн гишүүдээс нэгийг ч багтаагаагүй. Тиймээс эл асуудлыг бүлэг хэлэлцэж байх магадлал өндөр байна.