Өмнөд Хятадын тэнгис дэх маргаантай газар нутгийн талаар Бээжингийн бодлогыг шүүмжилсэн Төрийн департаментын бодлого нь “тааламжгүй байдлыг” үүсгэж байна гэж Хятадын хэвлэл мэдээллээр Вашингтоныг буруутгажээ. АНУ-ын Төрийн департамент тэр бүс нутагт Хятад “байдлыг хурцатгаж байна” хэмээн шүүмжилсэн юм.

Филиппин, Вьетнам хоёр өөрсдийн гэдэг Вуди арал дээр (өөр нэр нь – Юнсин) Саньша хот байгуулах тухай Бээжин шийдсэний дараа Вашингтоны мэдэгдэл гарсан байв. Үүний хариуд нь наймдугаар сарын 4-нд БНХАУ-ын Гадаад хэргийн яам улс орныхоо газар нутгийн бүрэн бүтэн байдал ба бие даасан байдлыг хүндэтгэн үзэхийг АНУ-аас шаарджээ. Хэд хоногийн дараа наймдугаар сарын 6-нд Хятадын коммунист намын төв хэвлэл “Жэньминь жибао” сонин АНУ-д хандан “амаа таглахыг” уриалсан байна.

“Америкийн талын мэдэгдэл нь үнэн худлыг холин, олон нийтийг төөрөгдүүлж, буруу дохио өгч байгаа учраас харамсалгүйгээр үгүйсгэгдэх ёстой. “Амаа тат” хэмээн бид АНУ-ыг зүгээр л загнаж чадна” хэмээн “Жэньминь жибао” сонинд өгүүлснээс иш татан AFP мэдээлжээ. Чжунго жибао” гэх өөр нэг сонин ч АНУ-ын эсрэг хандав. “Өмнөд Хятадын тэнгист асуудал босгож буй орнуудыг шүүмжлэхийн оронд АНУ нь энэ зөрөлдөөний жинхэнэ хохигч болсон Хятадыг бузар муухайгаар булж байна” хэмээн сонины тоймд өгүүлжээ.