НИТХ-ын ээлжит бус чуулган “Хангарьд” ордонд үргэлжилж байна. Нийслэлийн Засаг даргад нэр дэвшээд буй Э.Бат-Үүл уг хуралд оролцож байгаа бөгөөд яг одоо хурлын төлөөлөгчид түүнээс асуулт асууж, хариулт авч байна.

Засаг захиргааны нэгж, түүний удирдлагын тухай хуулиар нийслэлийн Засаг даргыг НИТХ-ын хуралдаанаар сонгож, Ерөнхий сайд баталгаажуулах ёстой. Тиймээс энэ долоо хоногт багтаан Засгийн газрыг байгуулна гэж эх сурвалжууд мэдээлж байна.

НИТХ-ын төлөөлөгчид хангалттай ирцтэй хуралдаж байгаа талаар эх сурвалж мэдээллээ. Уг хурлаар намраас урьтаж хийх ёстой ч хөрөнгө мөнгөний гачигдлаас болоод удаашраад байгаа хойшлуулж болшгүй асуудлыг шийдвэрлэх талаар ч хөндөн ярих гэнэ. Түүнчлэн нэг чухал асуудлыг шийдэх бөгөөд тэр нь НИТХ-ын төлөөлөгчдөөс бүрдсэн салбар салбарын ажлын хэсгийг байгуулах явдал юм. Энэхүү ажлын хэсгүүд өөр өөрсдийн салбарын дагуу холбогдох байгууллагуудад ажиллах ёстой юм.