Япон улсын Төмөр замын ачаа тээвэр компанийн тэргүүн ерөнхийлөгч Наохико Ито Монгол Улсад айлчлах үеэрээ төмөр замын үйл ажиллагаатай танилцжээ. Тодруулбал, өчигдөр Төмөр замын дэд дарга Л.Пүрэвбаатартай уулзсан байна. Уулзалтын үеэр ноён Наохико Монгол Улсын төмөр замд технологийн шинэчлэл шаардлагатай байгааг онцолжээ. Учир нь тус улсын хувьд анх төмөр зам тавигдаж байх үед ашиглаж байсан арга ажиллагаа яг одоо Монголын төмөр замд ашиглагдаж байгаа тул технологийн шинэчлэл хийх. Мөн боловсон хүчнийг сургах, төмөр замын орчин үеийн технологийг нийлүүлэхэд Япон улсын хувьд бололцоотой тухай хөндсөн юм байна.

Харин уржигдар тэрбээр Улаанбаатар төмөр замын Удирдах газар, тус газрын харьяа Ачих буулгах тээвэр экспедицийн механикжсан анги, Улаанбаатар өртөөний үйл ажиллагаатай тус бүр биечлэн танилцжээ.