Болгар Улсын Благоевград хот дахь Америкийн их сургуульд 2012 оны долдугаар сарын 25-наас наймдугаар сарын 1-нд болсон Олон улсын оюутны математикийн 19 дүгээр олимпиадаас Монгол Улсын Их Сургуулийн оюутан Б.Ганбат хүрэл медаль хүртжээ.

Дэлхийн 47 орны 316 оюутан оролцсон тус олимпиадаас МУИС-ийн Онолын математикийн ангийн III дамжааны оюутан Б.Ганбат нь 32 оноогоор хүрэл медалийн эзэн болсон байна. Тэрбээр мөнгөн медаль хүртэхэд ганцхан оноо дутжээ.