"Лондон-2012" зуны XXX олимпийн наадмын буудлага спортын эрэгтэйчүүдийн урт бууны 50 метрт хэвтээ байрлалаас буудах дасгалд өрсөлдөж буй Монгол Улсын тамирчин, ОУХМ урьдчилсан буудлагад 588 оноо авлаа. Ингэснээр тэрбээр нийт 50 тамирчнаас 40 дүгээрт эрэмбэлэгдэж байгаа юм. Тэмцээний дүрмийн дагуу эхний найман байрт бичигдсэн тамирчид шигшээ буудлагад өрсөлдөх эрхтэй болдог билээ. Шигшээ буудлага Монголын цагаар 19.00 цагт эхэлнэ.

Олимпийн наадамд анх удаа буудлага спортын урт бууны төрөлд эх орноо төлөөлж буй Н.Баяраа долдугаар сарын 30-нд хийн урт бууны 10 метрийн дасгалд өрсөлдөж, урьдчилсан буудлагад 593 оноо авснаар 29 дугаар байрт бичигдсэн юм. Одоо тэрбээр наймдугаар сарын 6-нд урт бууны гурван байрлалаас буудах дасгалд онч сорино.